Haziak Kantari 2019

Jaz ibilaldi bat antolatu eta Aldudeko eskualdean, aurten, Apirilaren 14ean, Baxe Nafarroko eta Xiberuko sareak kantaldi bat eman du Mauleko elizan. Egun hortan Alzai, Maule, Donazaharre, Garazi, Ortzaize, Baigorri eta Aldudeko eskola eta kolegioko haur elebidunak elkartu dira Manex Pagolaren kantu herrikoi ederren kantatzeko et ohoratzeko. Ama eskolatik 3garrenak arte denek parte hartu dute kantatuz edo musikan arituz. Entzun ditugu Urtxintxak oihanean, ardiak lerro lerro, Kanta aberria, Jo txistua… Kantu guzi horiek oihartzun eder bat ukan dute Mauleko eliza betean.

Bigarren parte batean, Pantxoa Carrere eta bere musikariek nahasi dituzte Manex Pagolaren kantu ezagun batzu ere eta haien CD berriaren kantuak.

Kantaldia giro eder batean bukatu da denak elgarrekin kantatuz, Pantxoa, ikasleak, burasoak, publikoa.

Proiektu hori prestatuz eta parte hartuz, ikasleek euskara gelatik atera dute, errepiketan beste eskolako haur elebidunekin euskaraz mintzatuz eta momentu goxo bat pasatuz familiekin eta lagunekin euskararen eta kulturaren inguruan.

Kantaldi horren bidez ere, Euskal Haziak elkarteak sustengatu nahi ditu berriki ideki diren sail elebidunak Mauleko eskola eta kolegioan.

Ondoko hitzordua maiatza erditsuan izanen da Urruñan, eskola desberdinetako haurrak berriz kurutzatuko dira Haziak zuzenean astea kari.