Xalbat

Gaur elkartu gira erakasle, zuzendari edo elkarteko kide gisa zure agurtzeko bainan uste dugu lankide baino gehiago euskararen hedatzearen eta etorkizunaren bidean, bideko kide izan girela eta segituko dugula.

Eskertu nahi zaitugu sortu, bultzatu, eraiki dituzun proiektu guzientzat irakaskuntza katolikoan euskarari behar zion lekua emaiteko.

Erakasle 4 eskoletan, animatzaile udako egonaldietan, elebidun saileko arduraduna irakaskuntza katolikoan eta beste hainbeste ardura hartu dituzu euskararen erabilpena lau haizetara hedatzeko.

Erran behar da ere orroitzapen ederrak utzi dituzula han eta hemen… Baigorriko ikasle ohiak orroitzen dira "deux chevaux" batekin heldu zinela eskolaratedozure bi pottokekin zuk erraiten zinuen bezala….

[……]

Orroitzapen onak utzi dituzu pastu ziren leku guzietan… langile seriosa izanki ere bazinakien behar zen momentuetan plazerra hartzen zure lankide edo ikasleekin.

Azken urteetan, gure artean, langile amorratua izan ere lankide eta elkarteko kide paregabea izan zira Xalbat. Beti zuzena, beti umore onean eta beti bihotz onekoa.

Zuk eman indarra ez dugu sahutuko eta segituko dugu gure leku desberdinetatik zuk eraiki bidea segitzen.

Bihotz bihotzetik Milesker Xalbat

Besarkada haundi bat eta agian ondoko urteetan berritz kurutzatuko gira.

Eskerrik anitx, milesker Xalbat

Itsasun aitamakin

hizkuntza maitatu,

Zuraiden ta Baigorrin

mintzaira hedatu,

DDEC Baionan

euskara garatu,

eta EEPn orain

lan hori jarraitu.

Segizu bide hortan

eskuan makila,

euskara sustengatuz

gaur arte bezala,

egin behar den lana

hain baita zabala.

Bide on zuri Xalbat

ta on dagizula!

Gure taldean zira

langile abila,

zurekin lan a(r)itzea

diogu goxo dela.

Orain lan berri hori

atsegin zaitala.

Bihotzetik dautzugu:

"Xalbat, esker mila!"

Euskal Haziak elkartea eta irakaskuntza katolikoko euskarako erakasleak