Euskaraz bizi etxean – Euskararen lehen urratsak etxean
Nola eman leku gehiago euskarari etxean, haurra sail elebidunean delarik?
| 2026ko Azaroaren 17a
Euskal Haziak elkarteak eta Plazara kooperatibak tailer praktikoak proposatzen dituzte, familian entseatzeko ideia errazak ezagutzeko, euskaraz mintzatzen ez bazarete ere.
Ordu eta erdiz, familian egiteko jokoak, elkarrekin irakurtzeko liburuak, eguneroko ohituretan sartzeko hitzak eta euskarazko ateraldiak egiteko ideiak partekatuko ditugu. Zuen haurraren ibilbide elebiduna hobeki ulertzeko, galderak pausatzeko eta beste familia eta irakasleekin solastatzeko parada ere izanen da.
Tailerrak frantsesez iraganen dira, euskarazko hitz batzuekin. Bereziki sail elebiduneko haurren burasoei zuzenduak dira. Aitatxi-amatxiak, hurbilekoak eta irakasleak ere ongi etorriak dira.
Zikloko azken tailerra
2026ko azaroaren 17an, asteartez, 19:00etan, Hazparneko Sainte-Thérèse eskolan.


