Martxoko azken egunak eta apirileko lehenak kulturalak izan dira San Mixeleko ikasle elebidunentzat.

Hirugarrenekoek alde batetik, dantza proiektu bat ereman dute Kirolan, Artean eta Euskaran, euskal dantzak landu dituzte honela, bai eta ere beraien dantzak eta obra artistikoak sortu. Irakasle eta gonbidatu batzuek gogotik txalotu dituzte joen den asteazken goizean! Proiektu honen barne ere, "Dantza" filma ederraren ezagutzeko parada ukan dute gure ikasleek, eta euskal dantzaz mintzaldi interesgarri baten entzuteko.

Bestalde, zenbait astez bertsolaritza gelan landu ondoren Lur Renteria eragilearen languntzarekin, bertso saio bat izan dugu ostiralean bi bertsolari gazterekin. 3.2 eta 3.3ko ikasleek gaiak eta agurrak prestatu zituzten, eta beren irakasle eta langile euskaldunak gonbidatu. Loriatu gira oren batez, bertsolari gazteer beha!

Laugarrenek aldiz, antzerkia eta maitasunaren inguruko proiektu bat landu dute. Gaia Artean eta Euskaran jorratu ondoan, Axut! konpainiako eragile batek lagundurik antzerki tailerrak izan dituzte, alde batetik antzerkitxoak idazteko, eta gero, jokatzeko. Otsail ondarrean, bestalde, Axut! taldearen antzerki errepika bat ikusteko parada ukan dute. Joan den ostiralean, haatik gure ikasleen aldi zen, antzerkitxoen emaiteko. Zinez aste zenbaitez izigarriko aldaketak izan dira ikasleen jokoan. Biba zuek!