HAZIAK BESTAN: Ikastetxe elebidun katolikoen besta maiatzaren 6an iragan da
Gutxi gorabehera 400 pertsonak egun eguzkitsuaz eta programa familiar eta askotarikoaz gozatu dute !
| 2023ko Ekainaren 29a
Euskal Haziak 40 urte bete ditu aurten.
Historikoki, Haurren Besta, sare elebidun katolikoaren besta, antolatua zen: azken edizioa 2015ean iragan da.
Besta hau berriz programatu nahi izan dugu Haziak Bestan izena emanez!
Maiatzaren 6an Kanboko ezker paretan iragan zen familia festa hori. Egitarauan: Pontx pailazoa, Gurashow taldea, dantzaldi bat Zezerekin.
Egunean guzian: haur jokoak, zirku tailerrak Ziliportaka elkartearekin, gaztelu puzgarri erraldoiak, taloak, edaria, eta batez ere giro ona!
Tonbolaren zozketa egiteko baliatu dugu eta gure ipuin lehiaketako irabazleak saritu ditugu!
Sarekoak diren kolegio eta lizeoetan afitxa lehiaketa bat abian jarri dugu: 43 afixa jaso ditugu, Victoire Labarthe eta Tessa Cerdanena, Armand David Hazparneko lizeoko bi ikasleenak erabazi zuen. Komunikazio euskarri nagusia izan da.
Laguntzaile ainitz izan ditugu (ikasleen guraso gehienak eta irakasleak), eta horiek gabe ez zen egunik iraganen. Eskerrik ainitz guraso horiei guztiei, pozgarria izan da eguna beraiekin pasatzea.
Mila esker Kanboko Herriko Etxeari eta bere talde teknikoari ere bai!
Eguneko argazki guztiak esteka honetan:
https://drive.google.com/drive/folders/1IsKtOj0OObyw9E407QnRrrSSAze8vIMh?fbclid=IwAR169FwGn9oUJP_tSjS3w4QoclwxIfMuwXxIDIvMuFvjnaXfZ6VGGG-jxzM
